शिवजयंती निमित्त अ. भा. मराठा महासंघतर्फे साई समर्थ मतिमंद विद्यालयात शालेय शिक्षण साहित्य व फळ वाटप
डॉ.बी. बी.भोसले
(भडगाव प्रतिनिधी)
——————————–
अखिल भारतीय मराठा महासंघाचे संस्थापक अध्यक्ष मा.आमदार कै. अण्णासाहेब पाटील यांच्या प्रेरणेने भडगाव येथे साई समर्थ मतिमंद विद्यालयात शिवजयंती साजरी करण्यात आली.सदर कार्यक्रमात विद्यार्थ्यांना शिवजयंती निमित्त शालेय साहित्य व फळ वाटप करून शिव जन्मोत्सव साजरा करण्यात आला. मान्यवरांच्या हस्ते छत्रपती शिवाजी महाराज यांच्या प्रतिमेला पुष्पहार घालून पूजन करण्यात आले. अखिल भारतीय मराठा महासंघाचे उत्तर महाराष्ट्र संपर्कप्रमुख डॉ. बी. बी.भोसले, प्रवीण महाजन , पत्रकार सागर महाजन, विजय माळी, विजय पाटील, जितेंद्र पवार, महेश पाटील, प्रवीण पाटील, शिक्षक समाधान पाटील, सोनवणे , गोपाल भोई, मराठा महासंघाचे तालुक्यातील पदाधिकारी उपस्थित होते. कार्यक्रमाचे सूत्रसंचालन प्रवीण महाजन तर आभार प्रवीण पाटील यांनी मानले.या उपक्रमा मुळे विद्यार्थ्यांमध्ये आनंदाचे वातावरण निर्माण झाले होते.
