सौ .सुनीता महाडिक ‘इंडियन एक्सलन्स अवॉर्ड ने सन्मानित !
प्रतिनिधी ( आबा सूर्यवंशी),
पुण्य श्लोक अहिल्यादेवी होळकर जयंती, दै. अहिल्याराज वर्धापनदिन व हिंदी पत्रकार दिवस निमित्त
स्थानिक पत्रकारितेच्या माध्यमातून समाजाचे प्रश्न प्रशासना पर्यंत पोहोचवण्याचे आणि जनहिताच्या कामातून सर्वसामान्य लोकांना न्याय मिळवून देणाऱ्या सौ. सुनीता राजेंद्र महाडिक यांना ‘इंडियन एक्सलन्स अवॉर्ड २०२५’ ने सन्मानित करण्यात आले आहे. हा पुरस्कार त्यांना १ जून २०२५ रोजी मलकापूर येथे एका खास समारंभात प्रदान करण्यात आला.
पत्रकारितेतून पीडितांना न्याय
सौ. महाडिक स्थानिक पातळीवर पत्रकारितेमध्ये सक्रीय भूमिका बजावत अनेक सामाजिक विषयांना त्यांनी वाचा फोडली, जनतेच्या प्रश्नांवर सातत्याने आवाज उठवत प्रशासनाचे लक्ष वेधले. आणि पीडितांना न्याय मिळवून दिला .त्यांच्या अभ्यासपूर्ण आणि तळमळीच्या पत्रकारितेमुळे अनेक प्रश्न मार्गी लागले आहेत.
सर्वत्र अभिनंदन आणि कौतुक
दैनिक अहील्याराज तर्फे दिला जाणारा ‘इंडियन एक्सलन्स अवॉर्ड’ हा समाजहितासाठी कार्य करणाऱ्या व्यक्तींना दिला जातो. हा सन्मान त्यांच्या कार्याला मिळालेली पावती आहे. पत्रकारितेच्या व्रताला अधिक बळ मिळाले आहे.
