બોમન ઈરાની, અનુપમ ખેર, મહિમા ચૌધરી, ઉર્વશી શર્મા, સાયબલ બેનર્જી એ મિડ-ડે અવોર્ડ્સને શોભાવ્યા

મિડ-ડે પ્રી-દિવાળી બેશ અને મિડ-ડે પિનેકલ્સ ઓફ સક્સેસ અવોર્ડ્સ એક સિતારાઓથી સજેલી રાત હતી, જેમાં બૉલીવુડ અને મનોરંજન જગતની કેટલીક સૌથી મોટી હસ્તીઓ હાજર હતી. આ ગ્લેમરસ અને ઉત્સવભરેલી રાતે આવનારા દિવાળી સિઝનની ભવ્ય શરૂઆત કરી.
મિડ-ડેના રાહુલ શુક્લા અને ટ્રાયમ ફિલ્મ્સના સુરેશ ગોંધલિયા જેવા મેજબાનો સાથે આ શાનદાર સમારંભમાં સન્માનિત થનારા લોકોમાં બૉલીવુડ આઇકન બોમન ઈરાની (જેમને ફિલ્મ ઊંચાઈ માટે બેસ્ટ એક્ટરનો અવોર્ડ મળ્યો), અનુપમ ખેર (બેસ્ટ લીડ એક્ટર), મહિમા ચૌધરી (બેસ્ટ એક્ટ્રેસ) અને ફિલ્મ સિગ્નેચર માટે ગજેન્દ્ર અહિર (બેસ્ટ ડાયરેક્ટર) અને સ્નેહા પૉલ (બેસ્ટ ડેબ્યુટેન્ટ)નો સમાવેશ થાય છે.
તે ઉપરાંત, ઉર્વશી શર્માને બિગ બ્રધર ફાઉન્ડેશન માટે બેસ્ટ ફિલાંથ્રોપિસ્ટનો અવોર્ડ મળ્યો. સાયબલ બેનર્જી, સંકલ્પ વંજારા અને આશય મિશ્રાને ‘જનક ‘, ‘દુર્ગા’, અને ‘ઇશ્ક કા રબ રાખા’ માટે બેસ્ટ પ્રોડક્શન હાઉસનો અવોર્ડ આપવામાં આવ્યો. ઈન્દીપ બક્ષીનો ‘લૂસિફર મ્યુઝિક’ માટેના ‘મેં જિંદા હૂં’ ગીતને આઇકોનિક ઇન્ડી-પોપ સૉંગ અવોર્ડથી સન્માનિત કરવામાં આવ્યો. રૂપાલી સૂરીએ બેસ્ટ એક્ટ્રેસનો અવોર્ડ જીત્યો, જ્યારે વી-ટાઉન ક્રોનિકલ્સ (જેમાં રેમો, બ્લેસ એ, આસિફ, અને એસ્ટેરિફ સામેલ હતા)ને ‘ફ્રાય ડે’ ગીત માટે સન્માનિત કરવામાં આવ્યા. સુશીલ પાંડેને ‘મહારાણી 3’ માટે બેસ્ટ નેગેટિવ લીડ માટે અને અમિત બેહલને ભારતીય ટેલિવિઝન પર 150થી વધુ શોમાં કામ કરવા માટે મોસ્ટ વર્સટાઈલ એક્ટરનો અવોર્ડ મળ્યો. આ પ્રસંગે ડબ્બૂ રતનાની, ગાયક દિલ સંધૂ, અને નિર્દેશક સુનીલ દર્શન અને અનિલ શર્મા જેવી હસ્તીઓ પણ હાજર હતી.
આ રાતનો માહોલ સુંદર હતો. જેમાં શાનદાર સજાવટ, મનોરંજન અને દિવાળીનો આનંદ દેખાઈ રહ્યો હતો. મહેમાનોએ સંગીત, હાસ્ય અને આનંદથી ભરેલી એક યાદગાર રાતનો આનંદ માણ્યો અને આ કાર્યક્રમે મુંબઈમાં દિવાળીની શરૂઆતની જાહેરાત કરી દીધી.
રાહુલ શુક્લાએ કાર્યક્રમની સફળતા પર આનંદ વ્યક્ત કરતાં કહ્યું, “દિવાળી ઉત્સવનો સમય છે, અને આજની રાતે તહેવારની ખુશી અને એકતા ભાવનાને ખરેખર ઉજાગર કરી છે. આજનો દિવસ યાદગાર રહેશે.”
આ સિતારાઓથી ભરેલી રાતે મુંબઈમાં દિવાળીના ઉત્સવોની ઔપચારિક શરૂઆત કરી દીધી છે, અને હવે આવનારા તહેવારનો ઉત્સાહ શિખરે છે.